Para unha boa tradución

• Corrixa o texto
• Use frases curtas
• Puntuación e sintaxe correctas
• Evite expresións coloquiais
• Revise a tradución

Recomendacións

(Contra)Indicacións de uso

1. Corrixa o texto orixinal antes de realizar a tradución.
   Un tradutor automático non é un corrector, polo cal só contén información considerada correcta sobre as linguas en que traballa. Os erros que se encontren no texto da lingua de orixe afectarán de forma relevante ao desempeño do tradutor. Por exemplo, se traduce a frase “el tendria la libertad” obteremos como resultado “o *tendria a liberdade”, xa que “él”(pronome) e “tendría”(verbo) son palabras acentuadas en castelán e que o tradutor identificou, respectivamente, como artigo (“el” sen acento) e como palabra descoñecida.
2. Utilice frases cortas e simples.
   As frases curtas e simples favorecen que as traducións sexan correctas, xa que é máis doado evitar desta forma posibles ambigüidades. Un texto ambiguo resultará nunha tradución ambigua.
3. Puntuación e sintaxe.
   Coide tanto a puntuación como a sintaxe, elementos fundamentais para a comprensión daquilo que se quere expresar e para a súa correcta transmisión.
4. Evite as expresións coloquiais e idiomáticas.
   Evite as expresións coloquiais e idiomáticas que quizais causen confusión e dificulten a boa comprensión por parte do tradutor/lector e, ao mesmo tempo, provoquen erros na tradución.
5. Revise a tradución.
   A revisión da tradución é fundamental xa que os procesos automatizados empobrecen o idioma.